GÜNƏ DOĞRU

SABAH 07:45

Ölkəmizdə təhsil alan xarici tələbələr hansı ixtisasları seçirlər? Təhsil üçün hansı ölkələrdən daha çox müraciət olunur? 
İnternetin keyfiyyətinin aşağı olma səbəbləri? Ödədiyimiz pulun müqabilində keyfiyyətli internet ala bilirikmi? 
Xüsusiylə bölgələrdə olan dairələr sürücüləri çaşdırır.Üstünlük nişanları yoxdursa dairəvi hərəkətdə üstünlük hansı sürücünün olmalıdır? 
Avtovağzallarda "online" bilet satışına niyə maraq yoxdur? Bu zaman sərnişinlər hansı çətinliklərlə qarşılaşırlar?



Veriliş aktual sosial-ictimai mövzulara toxunaraq, aparıcı xəbər saytlarının manşetlərini önə çəkir. Bu mövzular ətrafında araşdırma süjetləri hazırlanır, ekspert və mütəxəssislərin rəyi öyrənilir. Qaynar xəttə gələn zəng və müraciətlər dinlənilir və elə canlı efirdəcə aidiyyatı qurumların məsul işçiləri ilə telefon bağlantıları yaradılır, problemin həlli istiqamətində operativ addımlar atılır. Tamaşaçılar sosial şəbəkələr vasitəsi ilə də müraciət edə bilirlər. Təbii fəlakət, eksklüziv hadisə, gündəmə gələn maraqlı faktla bağlı, bir sözlə, ən qaynar xəbərləri operativ şəkildə tamaşaçılara çatdırmaq üçün “Günə doğru” xüsusi buraxılışlarla da efirə çıxır.