"Getdiyim yerdə arxadan dəydi" - İmişlidə ağır qəza sürücünün həyatına son qoydu – VİDEO

10 Oktyabr 2017 00:32

İmişli rayonunda ölümlə nəticələnən yol qəzası baş verib.

ARB TV xəbər verir ki, hadisə Hacıqabul-Horadiz yolunun Gövhərli kəndi ərazisindən keçən hissəsində qeydə alınıb. Qaradağ rayon sakini Vüsal İbrahimovun sükan arxasında olduğu Pikap tipli avtomobil İmişli sakini Tacir Məmmədovun idarə etdiyi ekskovatora çırpılıb.

Tacir Məmmədov: "Sürət 50-dir. Yolda getdiyim yerdə böyük sürətlə arxadan mənə dəydi. Özümü itirdim, amma düşüb kömək etdim. 2 dəqiqə sonra keçindi".

Qəza nəticəsində pikapın sürücüsü hadisə yerində dünyasını dəyişib.